Ҳикматлар чашмаси

Абадий салтанат.

Салжук султонларидан бири Мавлоно Жалолиддин Румийни зиёрат қилиб, гап асносида салтанатлари орасидаги фарқни сўрабди.
-Сенинг салтанатинг то кўзинг очиқ турган муддатгача давом этади. Меники эса кўзим юмилганидан кейин бошланади,- дебди Мавлоно.

Оллоҳ ишқи.

Мавлоно Жалолиддин Румийдан сўрабдилар:
-Оллоҳ ишқи нима?
Жавоб берибдилар:
-Мен бўл-да, бил.

Бойликдан фақирлик афзал.

Мавлоно Жалолиддин Румий  уй хизматчисидан:
-Уйда бирор нарса борми?-деб сўраганида:
-Йўқ,-деб жавоб берса, хурсанд бўлиб:
-Худога шукурки, бугун уй Пайғамбарнинг уйига ўхшабди,-дер экан. Мабодо:
-Ҳамма нарса муҳайё,-деса, хафа бўлиб:
-Бугун бу уйдан Фиръавн уйининг иси келяпти,- дер экан.