Ҳикматлар чашмаси

Билганга яраша ҳақ.

Ҳалифа Ҳорун ар-Рашид бир куни Имом Абу Юсуфдан бир масаланинг ечимини сўрабди.
-Билмайман,-деди Абу Юсуф.
Ҳалифанинг ёрдамчиси унга таъна қилди:
-Катта мансаб ва маошга эга бўла туриб билмайман дейишга уялмайсизми?
-Мен билганимга яраша маош оламан, - деди шунда Абу Юсуф.-Агар билмаганим учун ҳам маош бериладиган бўлса, бутун хазина етмас эди.

Каллалар кимники?

Ҳорун ар-Рашид кўчадан ўтиб кетаётса, Шайх Баҳлул икки одамнинг бош суягининг олдига қўйиб ўлтирган экан.
-Каллалар кимники?-деб сўради халифа.
-Бири менинг отамники, иккинчиси эса сенинг отангники. Лекин қай бири менинг отамникию, қай бири сенинг отангникилигини ажратолмай ўтирибман,-дебди Шайх Баҳлул.