Ҳикматлар чашмаси

Хасислар.

Уч хачис битта хонани ижарага олишибди. Лампа мойини ҳар доим бирга олишаркан. Бир куни лампа мойи олгани биттасини пули етмабди. Иккитаси нима қилибди денг? Пул бермаган ҳамхоналарининг кўзини боғлаб, чироқни ёқишибди, фақат чироқни ўчириб, ўрнига кирганларида унинг кўзини очишибди.

Хасисни даволаш усули.

Бир хасис қаттиқ оғриб қолибди. Шунча дори дармон беришса ҳам терламабди. Хизматкорлар нима қилишни билмай ҳакимга мурожаат этишибди.
-Унинг олдида ёғли қатлама енглар. Буни кўриб, ҳеч қанақа дорисиз терлайди,- дебди ҳаким.

Энг кучли одам.

Бир куни бир бахилдан сўрадилар:
-Айтингчи, оламдаги одамларнинг энг кучлиси ким?
-Энг кучли,-деди у,- биров овқат еб турганда қараб турсаю, оғзидан сўлаги оқмаса, ўша кучли.